НВЦ ХХК / NVTs LLC


About

“НВЦ” ХХК нь хөдөө аж ахуйн цогц үйлдвэрлэл, үйл ажиллагаа явуулах зорилготой 1998 онд байгуулагдсан, өндөгний үйлдвэрлэлийг гол чиглэлээ болгосон үндэсний үйлдвэрлэгч, салбартаа тэргүүлэгч компани юм. ОХУ-ын шувууны аж ахуйн тэргүүлэгч компани “Белореченское” ХХК-ийн Монгол Улс дахь албан ёсны төлөөлөгчөөр 1999 оноос, мөн тахианы мах, махан бүтээгдэхүүн үйлдвэрлэлээр Дэлхийд тэргүүлэгч АНУ-ын “Пилгримс прайд” корпорацийн дистрибьютерээр 2005 оноос өнөөг хүртэл хамтран ажиллаж байна. Бид өндөгний зах зээлийн эрэлт хэрэгцээг импортоор хангаж үйл ажиллагаагаа эхлүүлж байсан бол, 2003 оноос дотоодын үйлдвэрлэлийг хөгжүүлэх зорилгоор 100 мянган шувууны аж ахуй бүхий “Монэгг” ХХК-ийг өөрийн хөрөнгө оруулалтаар байгуулан “Баян” өндгийг зах зээлд нийлүүлж эхэлсэн билээ. “НВЦ” ХХК нь орчин үеийн дэвшилтэт техник технологи бүхий шувууны эко аж ахуй байгуулах зорилгоор 2011 оны намар Улаанбаатар хотоос 60 км-т байрлах Төв аймгийн Баянчандмань суманд 1 сая өндөглөгч шувууны аж ахуйн шавыг тавьсан. Улмаар 2012 оны 4 дүгээр сараас бүтээн байгуулалтын ажлыг эхлүүлэн 2014 оны 9 дүгээр сард буюу 2.5 жилийн дотор төслийн эхний үе шатыг ашиглалтанд амжилттай орууллаа. Төслийн эхний үед Монгол улсад хамгийн анхны бүрэн автомат, хамгийн орчин үеийн тоног төхөөрөмж бүхий 100 мянган дэгдээхэй, 400 мянган өндөглөгч, жилд 100 сая гаруй ширхэг өндөг үйлдвэрлэх хүчин чадалтай нийт 500 мянган толгой шувууны аж ахуйг дэд бүтцийн хамтаар байгуулан нээлтээ хийснээр орон нутагт 100 гаруй ажлын байр бий болгож, өндөгний импорт 30%-иар, зах зээл дээрх өндөгний үнэ 25%-иар буурч, дотоодын өндөгний үйлдвэрлэл 2 дахин нэмэгдэж, манай улсын шувууны аж ахуйн салбарт хөгжлийн шинэ хуудсыг нээхэд хувь нэмэр оруулж эхлээд байна. 2018 онд үйлдвэр бүрэн ашиглалтад орсноор 1 сая өндөглөгч, 600 мянган дэгдээхэй бойжуулах үйлдвэр болон тэжээлийн, биогазын, мах боловсруулах, шингэн хуурай өндөгний дэд үйлдвэрүүд, мөн эх сүргийн аж ахуй бүхий цогцолбор болон хөгжих болно. Одоогийн байдлаар бид 4000 гаруй аж ахуйн нэгж, байгууллагатай хамтран ажиллаж 30 гаруй нэр төрлийн бүтээгдэхүүнийг зах зээлд нийлүүлж байна. Компанийн нийгмийн хариуцлагын хүрээнд хийж гүйцэтгэсэн ажил, өөрийн улсдаа өндөгний хэрэглээг өсгөхөд оруулсан хувь нэмрийг үнэлж 2012 онд Дэлхийн өндөгний холбооны дээд шагнал “Алтан өндөг” -ийг Монгол улсаас анх удаа “НВЦ” компанид олгосон юм. Түүнчлэн 2014 онд Улаанбаатар хотын нийгэм, эдийн засгийн хөгжилд шинэ жишиг авчирсан, дэлхийн стандартад хүрсэн шилдэг бүтээн байгуулалтад олгодог “Нийслэлийн бүтээн байгуулалтын дээд шагнал”, МҮХАҮТ-аас шалгаруулдаг оны онцлох 10 аж ахуйн нэгжийн Гран При шагналаар шагнагдсан.


Additional Information

Contacts 88018802 99117797 96445544 99085044 89084888

Contact

Хан-Уул дүүрэг, 3-р хороо, НВЦ ХХК-ний байр, УБ 17042 (ХУД-ийн Соёлын төвийн урд)
Хан-Уул дүүрэг, -Ulaanbaatar

Get Directions

Fax: 344722

Visit Website

Be the first to review this item!



Follow & Bookmarking

Bookmark this
Advertisement